Fire milliardar til utbetring av E6 i Nord-Troms
Regjeringa vil bruke 4 milliardar kroner på to vegprosjekt i Nord-Troms. Prosjekta skal inn i NTP, som kjem seinare i mars.
Torsdag presenterte stortingskandidat for Høgre i Troms Erlend Svardal Bøe to vegprosjekt i Nord-Troms. Det er E6 mellom Olderdalen og Langslett og E6 mellom Hatteng og Nordkjosbotn, ifølgje Nordlys.
– Vi kan no avsløre to vegstrekningar i Nasjonal Transportplan (NTP), som vil bli lagt fram seinare i mars, seier Bøe til avisa.
Prosjekta inneber at vegane delvis skal leggjast om og utbetrast, slik at framkjømda blir betre og vegane sikrare.
Strekninga Nordkjosbotn–Hatteng inkluderer utbetring av vegen på E8 frå den nye vegen sluttar til krysset på Nordkjosbotn.
Det er det statlege selskapet Nye vegar AS som skal stå for begge prosjekta.
(©NPK)