Fiskebåt teke under slep etter grunnstøyting ved Kristiansand

Ein reketrålar med éin person om bord gjekk på grunn ved Oksøy sør for Kristiansand torsdag kveld. Ein losbåt sleper han til hamn.

Klokka 18.28 melde Hovudredningssentralen Sør-Noreg (HRS) på Twitter at losbåten sleper båten til hamn i Kristiansand.

– Ein brannbåt frå Kristiansand er ved havaristen om få minutt, og ei redningsskøyte er på veg frå Mandal, sa redningsleiar Vincent Roos ved HRS til NTB kort tid i førevegen.

Det dreier seg om ein reketrålar, og det var éin person om bord. Det skal ha gått bra med vedkommande. Hendingsgangen er førebels uavklart.

Hovudredningssentralen fekk mayday-anrop frå havaristen klokka 17.48 torsdag ettermiddag, og losbåten var framme vel ti minutt seinare.

(©NPK)