Flåttvirus påvist i Rogaland

I tillegg til hjernehinnebetennelse kan viruset føre til lammingar, og det kan i verste fall vere dødeleg for menneske, skriv Stavanger Aftenblad.

– Vi har ikkje fått meldingar om at personar er smitta av TBE-viruset i Rogaland, så vi veit førebels ikkje om viruset vi har funne der høyrer til gruppa som gir dei alvorlegaste sjukdommane. Det er noko vi no jobbar med å undersøkje, seier seniorforskar Åshild Andreassen ved Folkehelseinstituttet (FHI). Frå utlandet veit instituttet at det også finst variantar som ikkje gir dei farlegaste sjukdommane.

Frå før var TBE-viruset kjent frå flått i Agder-fylka, Telemark, Vestfold og Buskerud. Dei einaste rapporterte tilfella av smitte som er overført til menneske, er frå desse fylka.

FHI tilrår TBE-vaksine for menneske som ferdast mykje ute i skogen i sommarhalvåret.

– Det er viktig å understreke at vi gjer dette for å drive førebygging og ikkje fordi vi ønskjer å blåse dette opp til noko større enn det er. På landsbasis dreier det seg ikkje om meir enn mellom fem og ti i året som opplever å bli TBE-smitta av infisert flått, seier Andreassen. (©NPK)