Fleire forlét G20-møte då Russland talte

Fleire deltakarar frå fleire land forlét eit G20-møte i Washington i protest då Russlands finansminister fekk ordet, melder fleire medium.

vaktsjef@ntb.no/peder.skjelten@npk.no

Publisert: 20.04.2022 kl 19:07

Også representantar frå Ukraina forlét møtet, skriv The Washington Post. USAs finansminister Janet Yellen skal òg ha forlate møtet.

Russlands finansminister Anton Siluanov, som er pålagt sanksjonar av den amerikanske regjeringa som følgje av invasjonen av Ukraina, deltek digitalt.

USAs president Joe Biden og finansminister Yellen har teke til orde for å kaste ut Russland av gruppa, som representerer dei 20 største økonomiane i verda.