Fleire koronadøde i Mexico enn i Italia

I helga passerte talet på døde i covid-19-pandemien 35.000 i Mexico. Dermed går landet forbi Italia på den dystre statistikken.

Søndag opplyste helsestyresmaktene at 35.006 personar er døde. Berre USA, Brasil og Storbritannia har hatt fleire dødsfall. Italia, som tidleg var blant dei hardast ramma landa, har registrert 34.954 dødsfall.

Til saman er 299.750 smittetilfelle registrerte i Mexico, men det blir anteke at det reelle talet er endå høgare, sidan relativt få er testa. Forskarar ved Universitetet i Oxford seier det er utført 4,8 testar per 1.000 innbyggjarar i Mexico. I Tyskland er talet 76,1, medan det er 117,6 i USA.

(©NPK)

Ei dame med munnbind passerer ein plakat i Mexico by. Landet er hardt ramma av pandemien. Foto: Fernando Llano, AP / NTB scanpix