Fleire skadde då buss kolliderte med militær lastebil

Kollisjonen skjedde ved Dragvik i Evenes kommune. Politiet fekk melding om ulykka like før klokka 11.

– Det skal totalt vere elleve-tolv personar som er involverte, men vi har enno ikkje heilt oversikt over situasjonen. Sju-åtte personar er skadd, men ingen livstruande. To personar er køyrde til Narvik sjukehus, seier operasjonsleiar Lisbeth Hansen i Midtre Hålogaland politidistrikt til NTB.

Ho fortel at det var ein eller to personar i den militære lastebilen. Resten sat i bussen.

– Så langt kan det tyde på at det har vore glatt føre og at det militære køyretøyet har fått sleng og treft bussen, seier ho.

Alle nødetatane er på staden. Politiet har også fått bistand frå Evenes flyplass med ein miljøhengar fordi det er ein betydeleg diesellekkasje, seier operasjonsleiaren. (©NPK)