Flyktninghjelpen: – Europeiske leiarar handlar i panikk

(NPK-NTB): Flyktninghjelpen meiner europeiske leiarar handlar i panikk, og at avtalen mellom Tyrkia og EU berre er eit kortsiktig forsøk på å stoppe flyktningar som søkjer vern.

npk@npk.no

Publisert: 18.03.2016 kl 18:58

– Europeiske leiarar ser ut til å handle i panikk. Avtalen er eit kortsiktig forsøk på å stanse flyktningar som søkjer vern i Europa, men tilbyr inga løysing på dei eigentlege problema, seier Europa-direktør Edouard Rodier i Flyktninghjelpen til NTB.

Rodier meiner Europas verdiar og rettane til flyktningane er trua av europeiske leiarar som ser ut til å ha gløymt Europas eigen historie.

– Før flyktningar kan sendast tilbake til eit såkalla tredjeland, må vi vite at rettane deira er beskytta. Slik det er no, er ikkje dette tilfellet i Tyrkia, understrekar han. (©NPK)