ANNONSE
Annonse

FNs menneskerettssjef ber om uavhengig gransking av massedrap i Etiopia

FNs menneskerettssjef Michelle Bachelet ber Etiopia setje i verk ei uavhengig gransking etter meldingar om at hundrevis av menneske vart drepne i helga.

Augnevitne har oppgitt at over 200 sivile frå amahara-folket vart drepne av ei opprørsgruppa i Oromia-regionen i Etiopia.

– Eg er forferda over dei meiningslause drapa så vel som over tvangsforflyttinga av lokalbefolkninga i angrepet på landsbyen Tole, seier Bachelet i ei fråsegn torsdag.

Ho ber etiopiske styresmakter sikre at det blir sett i verk ei skikkeleg etterforsking av angrepet, og ho understrekar at offera og familiane deira har rett til sanning, rettferd og krigsskadeerstatningar.

(©NPK)

ANNONSE
Annonse