Forbrukartilsynet krev merking av raske elsparkesyklar
Elektriske sparkesyklar som kan komme opp i over 20 kilometer i timen, er ikkje lovleg å bruke på offentlege vegar. No krev Forbrukartilsynet merking.
- Vi har merka oss at fleire forhandlarar ikkje opplyser om denne viktige avgrensinga, seier Jo Gjedrem, avdelingsdirektør for transport i Forbrukartilsynet.
Han meiner at forhandlarar som lèt vere å informere om dette, gjer eit brot på marknadsføringslova sidan det er å vurdere som villeiande marknadsføring.
Derfor får 26 forhandlarar av slike syklar no eit brev frå Forbrukartilsynet der dei blir bedne om å presisere i kva grad sykkelen kan bli brukt på offentleg veg eller ikkje, og dessutan å sørge for at forbrukarane får all nødvendig informasjon om andre bruksavgrensingar på syklane.
Gjedrem varslar òg at tilsynet vil følgje opp med kontroll ute hos forhandlarane.
(©NPK)
Det er ulovleg å bruke elektriske sparkesyklar som kan gå fortare enn 20 kilometer i timen, på offentlege vegar. Foto: Terje Pedersen / NTB scanpix