Foreldra til skuleskyttar sikta for aktlaust drap
Foreldra til 15-åringen som er sikta for å ha drepe fire medelevar på ein skule nord i den amerikanske delstaten Michigan, er sikta for aktlaust drap.
Det opplyser påtalemakta i Oakland County fredag.
– Siktingane er meinte å halde enkeltpersonane som bidrog til denne tragedien, ansvarlege, og også sende ein bodskap om at våpeneigarar har eit ansvar, seier aktor Karen McDonald.
Far til 15-åringen hadde kjøpt det halvautomatiske våpenet som sonen brukte i skuleskytinga i byen Oxford tysdag. Seks elevar og ein lærar vart såra.
15-åringen nektar straffskuld.
(©NPK)
Fire elevar vart drepne og seks såra i skuleskytinga i byen Oxford i Michigan. Foto: AP / NTB