Fossum-bom i etterlengta seier

(NPK-NTB): Iver Fossum bomma på ein kjempesjanse, men kunne juble for 1-0-seier til Hannover mot Karlsruhe i 2. Bundesliga onsdag.

npk@npk.no

Publisert: 21.09.2016 kl 19:57

Fossum, som starta kampen mot Arminia Bielefeld sundag på høgreback, var onsdag tilbake i rolla som playmaker i Hannovers 4-2-3-1-formasjon. Stefan Strandberg fekk igjen plass i lagets midtforsvar.

Kampens einaste mål kom alt etter sju minutt og var signert Felix Klaus. Iver Fossum hadde ein kjempesjanse til å doble leiinga rett før pause, men avslutta svakt på ope mål.

Sigeren var Hannovers første på fire kampar. Karlsruhe er på si side utan seier så langt i årets sesong.

Med onsdagens trepoengar er Hannover nummer fire på tabellen i 2. Bundesliga etter seks serieomgangar. Fire poeng skil opp til ligaleiar Eintracht Braunschweig.

Både Stefan Strandberg og Iver Fossum spilte heile onsdagens kamp.

Kaiserslautern vann elles 3– 0 over Dynamo Dresden, og dermed ligg Even Hovlands Nürnberg åleine igjen på botn med berre to poeng. (©NPK)