Fredag blir det berre norsk musikk på NRK

(NPK-NTB): For andre året på rad set NRK av ein dag for berre norsk musikk på sine radiokanalar.

Publisert: 29.02.2016 kl 12:51

Fredag, dagen før finalen i musikkonkurransen Urørt, blir det berre norskkomponert musikk, songar som har norsk tekst og songar som blir framførte av norske musikarar på kanalane.

På P1 vil det også vere fleire norske songar enn vanleg i veka elles.

– Vi håpar publikum vil bruke denne dagen til å lytte på NRKs mange radiokanalar. Slik kan dei oppleve breidda i norsk musikkliv på NRK radio, seier musikksjef Knut Henrik Ytre-Arne. (©NPK)