Freia trekkjer tilbake Melkerull-parti
Mondelez Noreg AS, som eig Freia, trekkjer tilbake Melkerull 74g med haldbardato 05.11.2022. Tilbaketrekkinga kjem av mogleg innhald av mandlar i sjokoladen.
Sjokoladen kan innehalde bitar av Daim, skriv Matportalen. Daim inneheld 1 prosent mandlar, ein ingrediens som ikkje er deklarert på Melkerull-pakkane.
Sjølv om ein sjeldan ser alvorlege allergiske reaksjonar på mandlar, skal det opplysast om nøttetype på pakningen når det blir nytta nøtter i ei matvare.
Forbrukarar som har kjøpt det aktuelle produktet, kan levere det tilbake til butikken der dei kjøpte det, eller kontakte Mondelez for å få pengane tilbake.
(©NPK)
Melkerull 74g med haldbardato 05.11.2022 blir trekt tilbake. Foto: Mondelez / NTB / NPK