Frisk Asker sparka trenaren
Ishockeyklubben Frisk Asker kvittar seg med trenar Scott Hillman etter ein litt skuffande haustsesong.
Det opplyser Frisk Asker på nettstaden sin. Laget har teke 43 poeng på 27 eliteseriekampar og ligg på 5.-plass, sju poeng bak fjerdeplasserte Lillehammer.
- Frisk Asker Hockey har i dag valt å avslutte arbeidsforholdet til hovudtrenar Scott Hillman. Bakgrunnen for dette er primært at styret ikkje har tillit til Hillman, skriv klubben.
Assistenttrenar Jan André Aasland tek over trenaransvaret inntil vidare. Han går i gang med jobben umiddelbart.
Frisk Askers neste kamp blir heime spelt mot Sparta Sarpsborg torsdag.
(©NPK)
Scott Hillman er ferdig som trener i Frisk Asker.
Foto: Fredrik Hagen / NTB scanpix