Grande held fram som Venstre-leiar fram til hausten
Valnemnda i Venstre rekk ikkje å leggje fram ei innstilling på ny leiing i Venstre før sommaren. Derfor blir Trine Skei Grande sitjande inntil vidare.
Også Terje Breivik og Ola Elvestuen held fram i nestleiarverva sine, skriv Dagbladet.
Etter at Grande trekte seg som partileiar tidlegare i mars, skulle ny leier vorte vald på årsmøtet 17. til 19. april. Møtet vart stansa av koronakrisa. Ny dato er enno ikkje sett.
Næringsminister Iselin Nybø har allereie teke over hovudansvaret til partiet i regjeringa fordi ho har lengst fartstid av Venstre-statsrådane. Dagens nestleiar Terje Breivik er den parlamentariske leiaren av partiet på Stortinget.
(©NPK)
Trine Skei Grande held fram som venstreleiar inntil partiet får halde årsmøtet sitt på hausten. Foto: Vidar Ruud / NTB scanpix / NPK