Haaland kåra til vekas spelar i Champions League

Erling Braut Haaland (19) er stemt fram som rundens spelar i Meisterligaen av UEFA.com sine lesarar.

Haaland (19) stikk av med prisen etter målshowet mot Genk. Haaland er òg inne på vekas lag i Champions League hos nettstaden ESPN.

Salzburg-spissen skåra etter berre eitt minutt og 41 sekund i meisterligadebuten onsdag kveld og fullbyrda eit hat-trick før pause.

Eventyrkampen til nordmannen har fått mange til å hylle han, også lesarane på nettstaden til Det europeiske fotballforbundet (Uefa).

19-åringen frå Jæren var nominert saman med Barcelona-keeper Marc-André ter Stegen, PSG-stjerna Angel di Maria og Dinamo Zagreb-spissen Mislav Orsic. Sistnemnde skåra òg hat-trick i første meisterligarunde.

Erling Braut Haaland var elles forkjølt fredag og var ikkje med på treninga til Salzburg.

Salzburg skal fredag spele bortekamp mot Rosenborg sine overmenn LASK Linz.

(©NPK)

Erling Braut Haaland fekk pris i Uefas regi fredag. Foto: Tom Hansen / NTB scanpix.