Held oppe arrestordren mot Assange

(NPK-NTB): Arrestordren mot WikiLeaks-grunnleggjar Julian Assange står ved lag, har svensk lagmannsrett bestemt.

Publisert: 16.09.2016 kl 12:09

Assange kravde arrestordren oppheva, men i ei rettsavgjerd fredag avviste svensk lagmannsrett kravet.

Assange har sidan 2010 vore etterlyst av svensk påtalemakt, skulda for seksuelle overgrep mot to svenske kvinner.

Assange skal avhøyrast i London 17. oktober, har svensk påtalemakt tidlegare opplyst. Avhøyret skal haldast på Eucadors ambassade, der Assange har sete i eksil sidan 2012, og skal gjennomførast av ecuadoriansk påtalemakt. (©NPK)