Høie om Pfizer: Vi har ingen problem med å betale ekstra
Noreg kan godt betale Pfizer meir dersom vi får meir vaksine enn avtalt, slår helseminister Bent Høie (H) fast.
Svenske styresmakter har stansa betalinga til Pfizer etter at legemiddelselskapet har skrudd opp prisen fordi det er mogleg å hente ut seks dosar frå kvart glas i staden for dei fem som er avtalt.
Det er fint å få ei avklaring på dette spørsmålet, seier Høie, men legg til:
– Vi har ingen problem med å betale ekstra viss vi får ekstra.
(©NPK)
Helse- og omsorgsminister Bent Høie (H) er budd til å bla opp meir per glas med Pfizer-vaksine dersom det viser seg at det er fleire vaksinar i dei enn avtalt. Foto: Stian Lysberg Solum / NTB