Hovland langt bak i Texas

Golfspelar Viktor Hovland har ikkje klart å spele seg oppover på resultatlista i PGA-turneringa i Fort Worth i Texas i USA. Nordmannen er på delt 68.-plass.

Publisert: 26.05.2023 kl 07:22

Hovland fekk ein bogey på det 2. holet. Deretter følgde det berre par før han fekk sin første birdie på hol 14, etterfølgd av ein ny birdie på hol 15. Deretter måtte han tole ein dobbeltbogey på hol 16. Runden enda på eitt slag over par for nordmannen.

Harry Hall frå England leier turneringa med åtte slag under par etter at alle spelarane har vore gjennom 18 hol.

Hovland ligg på 6.-plass på verdsrankinga. Sist helg vart han nummer to i PGA-meisterskapen. Det er Hovlands beste plassering i ei majorturnering nokosinne og sikra han over 16 millionar kroner i premiepengar.

(©NPK)

Viktor Hovland fekk det ikkje til på den 1.-runden i Texas. Her er han i aksjon i PGA-meisterskapen sist søndag. Foto: Eric Gay / AP / NTB