Ingenting avklart rundt yngstemann Yttergård Jenssen

France Football og seinare spanske AS har begge skrive at Real Madrid skal vere interessert i å hente den norske 20-åringen til andrelaget, der Martin Ødegaard òg speler .

– Berre oppspinn. Fjær og høns, skriv Yttergård Jenssens agent, Kent Karlsen, til NTB i ei tekstmelding.

Yttergård Jenssen forlét franske Lyon i sommar. Den tidlegare Tromsø-guten fekk tilbod om ny kontrakt, men ønskte seg til ein ny klubb.

– No er ingenting avklart, men vindauget stengjer ikkje før 31. august, og vi bruker den tida det tek for å finne rett klubb, skriv Karlsen.

20-åringen har òg vore kopla til NEC Nijmegen. Det nederlandske laget henta venstrebacken Xavi Quintilla på prøvespel frå Barcelona tysdag, noko som kan tyde på at det ikkje blir nokon avtale.

– For meg er det sportslege viktig, spesielt med tanke på A-lagsspel. Eg må verkeleg ta det steget no. Lag i Nederland og Danmark er eit alternativ. Eg kjem ikkje heim no, har Yttergård Jenssen tidlegare sagt til NTB. (©NPK)