Isabella Lövin blir Sveriges nye visestatsminister

(NPK-NTB-TT): Isabella Lövin frå Miljöpartiet blir Sveriges nye visestatsminister og får også ansvar for klimasakene i regjeringa.

npk@npk.no

Publisert: 25.05.2016 kl 11:43

Lövin er frå før av bistandsminister i regjeringa.

Statsminister Stefan Löfven presenterte i tillegg tre nye ministrar då han la fram den nye regjeringskabalen onsdag.

Miljöpartiets tidlegare talsmann Peter Eriksson blir bustad- og digitaliseringsminister, mens Ann Linde frå Socialdemokraterna blir ny EU- og handelsminister. Karolina Skog frå Miljöpartiet får også plass i regjeringa. Ho får ansvar for miljøspørsmål.

Samtidig går framtidsminister Kristina Persson frå Socialdemokraterna av, kunngjorde Löfven på pressekonferansen i Stockholm. (©NPK)