Jakob Ingebrigtsen forsvarte gullet på 1500 meter i innandørs-EM
Ingen kunne stoppe tittelsankaren Jakob Ingebrigtsen (22) på 1500-meteren i innandørs-EM. Han var aldri skikkeleg trua på veg mot gullet i Istanbul.
Sigeren kom på tida 3.33,95. Ingebrigtsen hadde full kontroll på oppløpet.
Med det forsvarte han tittelen frå 2019. Sandnes-mannen er også regjerande meister på 3000 meter og spring i helga for endå ein gulldobbel.
Ingebrigtsen vart torsdag finaleklar med 3.50,29 og ein tredjeplass i kvalifiseringsheatet sitt. Der tok han ikkje ut meir enn han måtte.
– Det var eit enkelt løp. Eg ville spare så mykje energi som mogleg, sa rogalendingen etterpå.
Finalesigeren var Ingebrigtsens fjerde totalt i innandørs-EM. Den første kom på 3000-meteren for fire år sidan. Som senior har han no heile ti meisterskapsgull frå friidrettsbana.
I tillegg er Ingebrigtsen to gonger europameister i terrengløp.
Meisterskapen i Istanbul går som planlagt trass jordskjelvet som ramma Tyrkia hardt for ein snau månad sidan.
(©NPK)
Jakob Ingebrigtsen (t.v.) i aksjon i torsdagens kvalifisering på 1500 meter i innandørs-EM i Istanbul. Dagen etter suste han inn til gull i finalen. Foto: AP / NTB