Jon Mørland innstilt som styremedlem i NFF

Han er den einaste nye i innstilling frå valkomiteen til forbundsstyre for den kommande perioden. Resten av innstillinga ser slik ut:

President: Terje Svendsen (ikkje på val)

1. visepresident: Mette Christiansen (attval for to år)

2. visepresident: Arne Larsen Økland (attval for to år)

Styremedlemmer: Gunhild Lærum (ikkje på val), Turid Storhaug (ikkje på val), Leon Aurdal (ikkje på val), Silje Vaadal (attval for to år)

Forslaget inneber at Mørland, som representerer Heming, erstattar Hans Olav Karde frå Tromsø som styremedlem.

- Valkomiteen meiner at Mørland vil styrkje kompetansebreidda i forbundsstyret innanfor viktige område som har strategisk tyding for utviklinga av norsk fotball i åra framover, heiter det i innstillinga til valkomiteen.

Elles innstiller ein samrøystes valkomité på at Eirik Myhre frå Viking overtek Lise Klaveness' plass i påtalenemnda i NFF. Sistnemnde starta i haust i jobben som elitedirektør i forbundet.

Neste fotballting blir halde på Ullevaal stadion 9. og 10. mars 2019.

(©NPK)

Jon Mørland er innstilt som styremedlem i NFF.
Foto: Håkon Mosvold Larsen / NTB scanpix