Kambodsja hevar minstelønna i klesindustrien
Regjeringa i Kambodsja hevar minstelønna for tilsette i klesindustrien, som er den største inntektskjelda i landet.
Minstelønnssatsane blir heva i januar med 4,4 prosent, drygt 70 kroner, til 1.720 kroner i månaden, opplyser arbeidsdepartementet i landet.
Fagorganisasjonane kravde eit ytterlegare påslag på 45 kroner, medan fabrikkeigarane i utgangspunktet var villige til å strekke seg til 1.683 kroner i månaden.
Kambodsja har rundt 1.000 fabrikkar som produserer klede og sko, mesteparten for eksport til Vesten, og industrien sysselset nærare 800.000 menneske.
(©NPK)
Klesindustrien i Kambodsja sysselset nærmare 800.000 menneske, fleirtalet av dei kvinner. No blir minstelønna heva til 1.720 kroner i månaden. Foto: AP / NTB scanpix