Kåre Willoch får gravferd på statens kostnad

Tidlegare statsminister Kåre Willoch, som døydde måndag, blir heidra med gravferd på statens kostnad.

Det melder regjeringa i ei pressemelding.

Gravferd på statens kostnad er ei utmerking som blir tildelt av regjeringa. Willochs etterlatne har takka ja til dette. Om lag 100 personar har vorte gravlagt på statens kostnad sidan ordninga vart innført i 1881.

– Det er med sorg vi i dag har fått høyre at Kåre Willoch er død. Kåre Willoch sette preg på det politiske Noreg gjennom fleire tiår, som stortingsrepresentant, statsråd, statsminister og statsforvaltar, og i fleire tiår etterpå som aktiv samfunnsdebattant, seier statsminister Jonas Gahr Støre.

(©NPK)

Tidlegare statsminister Kåre Willoch døydde måndag, 93 år gammal. Han får gravferd på statens kostnad. Foto: Fredrik Hagen / NTB / NPK