Kirgisistan held nyval i desember
Det skal haldast nytt parlamentsval i Kirgisistan 20. desember, vart det kunngjort onsdag.
Valkommisjonen i landet vart samrøystes samde om den nye datoen.
Kirgisistan heldt val på ny nasjonalforsamling 4. oktober. Opposisjonen nekta å godkjenne resultatet, og demonstrantar tok deretter kontroll over fleire bygningar og erstatta statsministeren i landet med sin eigen kandidat, Sadyr Japarov.
Parlamentet skal òg finne dato for nytt presidentval. President Sooronbaj Jeenbekov gjekk av 15. oktober. Japarov fungerer i rolla som statsminister.
(©NPK)
Det var omfattande demonstrasjonar i den kirgisiske hovudstaden Bisjkek etter det underkjente parlamentsvalet 4. oktober. Foto: Vladimir Voronin / AP / NTB