Kombinert: Norsk dobbeltsiger i kontinentalcupen
Simen Tiller vann kombinertrennet i kontinentalcupen i Klingenthal i Tyskland fredag føre lagkamerat Andreas Skoglund.
Det vart ein ganske overlegen siger for Moelven-løparen Tiller. Han var nummer to etter hoppdelen, men starta først fordi Espen Bjørnstad ikkje stilte opp i langrennet.
Tiller hadde ei bra luke til konkurrentane, og sigeren var aldri trua. Bakfrå gjekk Skoglund seg opp tre plassar og vart nummer to. Han kom i mål 39,9 sekund bak Tiller.
Amerikanaren Ben Loomis tok tredjeplassen, medan Lars Ivar Skårset og Einar Lurås Oftebro vart nummer fire og fem på ein god norsk dag i Tyskland.
(©NPK)
Simen Tiller kontrollerte inn sigeren i kontinentalcupen i Tyskland etter at Espen Bjørnstad stod av før langrennsdelen.
Foto: Geir Olsen / NTB