Kvinne frå Bryne drepen i Marokko
Den norske kvinna som vart drepen i Marokko, kjem frå Bryne i Rogaland, opplyser politiet.
Kvinna er 28 år, og familien bur på Bryne, stadfestar operasjonsleiar Kurt Løklingholm ved Sørvest politidistrikt overfor NRK.
Kvinna har også ei adresse i Telemark, opplyser politiet til Stavanger Aftenblad.
Jærbladet skriv at mor til den døde kvinna delte dødsbodskapen på Facebook måndag kveld.
Kvinna vart funnen drepen i eit fjellområde utanfor Marrakech saman med ei dansk kvinne.