Liverpool slo tilbake etter stortapet for erkerivalen

Liverpool hadde få problem med å ta seg av Premier League-rival Crystal Palace og vann 2–0 i treningskampen i Singapore fredag.

bernt.harald.dysthe.brennevann@ntb.no/bent.tandstad@npk.no

Publisert: 15.07.2022 kl 16:44

Det tok ikkje meir enn 13 minutt før Jordan Henderson sende Liverpool i leiinga på eit skot frå vel 15 meter. Merseyside-laget hadde fleire store sjansar ved mellom anna Roberto Firmino og Harvey Elliott, men likevel stod det berre 1–0 til pause.

Etter kvilen bytte Liverpool ut heile startellevaren. Inn kom fleire stjernespelarar, og det gav omgåande utteljing.

Mohamed Salah leika seg gjennom Palace-forsvaret og sette inn 2–0 to minutt ut i andreomgangen. Etter 77 minutt gav Jürgen Klopp verdifull speletid til fleire unggutar.

Salahs nettkjenning vart også kampens siste. Dermed enda det 2–0 til Liverpool i Singapore.

Klopp gjorde sju endringar frå 0-4-tapet for erkerivalen Manchester United tysdag. Berre Henderson, Firmino, Elliott og Luis Diaz starta begge kampane.

Liverpool skal også spele treningskampar mot RB Leipzig (21. juli), Salzburg (27. juli) og Strasbourg (31. juli). I tillegg møter dei Manchester City i Community Shield 30. juli.

(©NPK)

Mohamed Salah og Liverpool slo tilbake med 2-0-siger over Crystal Palace etter det resultatmessig stygge 0-4-tapet mot Manchester United tidlegare i veka. Foto: Wason Wanichakorn / AP / NTB