Macron besøkjer Beirut torsdag

Frankrikes president Emmanuel Macron reiser torsdag til Libanon, der over hundre menneske omkom i den kraftige eksplosjonen i hovudstaden Beirut.

Macron skal mellom anna møte Libanons president Michel Aoun og statsminister Hassan Diab, opplyser kontoret til den franske presidenten.

Frankrike sender òg tre fly med redningsmannskap og medisinsk utstyr til den hardt ramma byen.

Fleire tusen menneske er skadde etter den kraftige eksplosjonen i Beirut tysdag, og det blir frykta at talet på døde vil stige.

(©NPK)

På flyplassen i Paris er franske redningsmannskap klare til å reise til Beirut for å hjelpe til i hjelpearbeidet etter eksplosjonen. Foto: Thibault Camus / AP / NTB scanpix