Mann erkjenner drap i Evanger

(NPK-NTB): Den sikta tilstår drapet på ei 58 år gammal kvinne i Evanger i Voss kommune, melder NRK. Kvinna vart funnen drepen i eit hus i Evanger torsdag ettermiddag, og mannen vart gripen like etter.

npk@npk.no

Publisert: 17.06.2016 kl 07:25

– Den sikta erkjenner drapet. Han gir uttrykk for det han har gjort som forferdeleg, seier forsvarar Rolf Knudsen til NRK.

Den sikta sat i avhøyr torsdag kveld.

– Han samarbeider godt med politiet. Utover det kan eg ikkje kommentere saka ytterlegare av omsyn til den pågåande etterforskinga, seier Knudsen.

Mannen i 40-åra samtykkjer til varetektsfengsling og blir avhøyrd vidare fredag, ifølgje NRK.

Det var ein nabo som melde frå om dødsfallet.

Kvinna vart funnen død inne i eit bustadhus i Evanger sentrum etter at meldinga kom ved 16-tida. Ein snau time etter vart mannen gripen utandørs, ikkje så langt unna åstaden.