Mann skada i paragliderulykke i Hordaland

(NPK-NTB): Ein paragliderpilot er frakta til sjukehus etter å ha blitt skada då han landa «for fort og for hardt» i Lindås, ifølgje Hordaland-politiet.

npk@npk.no

Publisert: 22.08.2016 kl 19:03

Sist oppdatert: 22.08.2016 kl 19:16

Mannen er frakta til Haukeland universitetssjukehus med luftambulanse etter ulykka ved Vågseidet i Lindås. Skadeomfanget er ukjent for politiet, opplyser operasjonsleiar Bjarte Rebnord måndag kveld.

– Mannen skal ha kome inn for landing for fort og for hardt, og deretter datt han baklengs ned ein skrent. Brannvesenet måtte klatre litt for å hente han ned til luftambulansen, seier Rebnord til NTB.