Mattilsynet åtvarar mot spekepølser

Spekepølsene er også produserte under ukjente hygieniske forhold, opplyser Mattilsynet, som ber folk kaste pølsene i søpla.

På etiketten går det fram at pølsene er produserte av Vest-Torpa Dagligvare eller hos Kistefos viltkjøtt.

Spekepølsene har vore selde direkte til forbrukar gjennom Facebook-sida «Rogers spekemat og viltkjøtt», ei side som no er sletta. Mattilsynet skriv at pølsene har vore selde frå bua til Stabburmat AS i Trondheim, Moelv og på Gran – og ein kan ikkje sjå bort frå at pølsene også har vore selde andre stader.

– Kast spekepølsene i søpla. Dei kan vere helseskadelege, blant anna fordi vi ikkje veit kva medisinar hestane har brukt, seier avdelingssjef i tilsynet, Bente Fauske.

Mattilsynet veit heller ikkje om kjøtet kjem frå friske dyr. Spekepølsa også seld under fleire namn, som Roger'n pølsa, Roger pølsa frå Torpa, Rogers viltpølse, Viltsalami og Ølpølse.

Tilsynet skriv også at det ikkje er dokumentert at hestekjøtet kjem frå dyr som er berekna til mat. (©NPK)