Molins: – Nice-åtaket bar preg av jihadistisk terror

François Molins, som leier påtalemakta si etterforsking av massakren i Nice, påpeiker at føraren av lastebilen var heilt ukjent for etterretningstenesta.

– Han blei aldri fanga opp ut frå teikn til radikalisering, sa Molins om tunisiaren Mohamed Lahouaiej-Bouhlel.

31-åringen var busett i Nice og hadde eit kriminelt rulleblad.

På ein pressekonferanse fredag ettermiddag sa Molins at åtaket var «heilt i tråd med dei vedvarande oppfordringane til å drepe» som terrorgrupper jamleg kjem med.

Frankrikes president François Hollande sa alt natt til fredag at blodbadet i Nice unekteleg bar preg av å vere eit terrorangrep. (©NPK)