Narkodepot avdekt på Jæren

Ein mann i førtiåra har vore varetektsfengsla sidan slutten av februar for å ha lagra narkotika. Politiet fann 1 kilo metamfetamin, 400 gram hasj og fleire hundre tusen kroner i kontantar på arbeidsplassen til mannen.

No har etterforskinga leidd politiet til det aktuelle narkodepotet, der det låg om lag 3 kilo metamfetamin og over 4,5 kilo hasj, skriv Stavanger Aftenblad.

– Han erkjenner ein viss omgang med dei første beslaga som vart gjort, men eg vil ikkje gå inn på kva mengd han erkjenner straffskuld for, seier forsvarer Brynjar N. Meling til avisa.

Mannen er tidlegare dømd for fleire grove narkotikabrot. (©NPK)