Nato stadfestar at romangrep kan utløyse artikkel 5
Dei allierte i Nato fastslår at angrep i verdsrommet kan utløyse artikkel 5 om felles forsvar.
Artikkel 5 i Nato-pakta seier at eit angrep på éin skal sjåast på som eit angrep på alle.
I slutterklæringa frå Nato toppmøte i Brussel måndag blir det no fastslått at angrep i verdsrommet kan utløyse denne artikkelen. Det skal avgjerast frå sak til sak om det er aktuelt å ta i bruk artikkel 5.
Det same gjeld hybridangrep og cyberangrep.
Nato avgjorde i 2019 at verdsrommet skal sjåast på som eit eige operativt domene.
(©NPK)
Natos generalsekretær Jens Stoltenberg på ein pressekonferanse etter toppmøte i alliansen i Brussel måndag. Foto: Torstein Bøe / NTB