Nato stemplar Kina som systemisk utfordring
Nato skjerpar ordbruken mot Kina kraftig i slutterklæringa frå toppmøtet til alliansen i Brussel.
I slutterklæringa blir det fastslått at dei kinesiske ambisjonane og sjølvhevdande åtferd utgjer «systemiske utfordringar for den regelbaserte internasjonale ordenen».
Nato viser mellom anna til at Kina raskt utvidar atomarsenalet sitt og utviklar sofistikerte nye rakettsystem. I tillegg samarbeider Kina militært med Russland.
Nato tek likevel til orde for konstruktiv dialog med Kina der dette er mogleg.
(©NPK)
Stats- og regjeringssjefane i Nato var måndag samla til toppmøte i Brussel. Møtet blei leia av generalsekretær Jens Stoltenberg. Foto: AP / NTB