Nesten 75.000 koronarelaterte dødsfall i Russland i oktober, ifølgje offisiell statistikk
Oktober vart den hittil dødelegaste månaden i Russland under pandemien med nesten 75.000 koronarelaterte dødsfall, opplyser statistikkbyrået i landet.
Til saman har Rosstat registrert over 520.000 koronarelaterte dødsfall sidan Russland registrerte det første smittetilfellet i landet.
Talet er mykje høgare enn det regjeringa oppgir på nettsida si, som er i underkant av 280.000.
Før talet på fredag vart kjent, var juli den dødelegaste månaden med vel 51.000 dødsfall knytte til covid-19, skriv nyheitsbyrået Reuters.
(©NPK)