Nettapotek selde 40.000 munnbind i timen
Etter tilrådingane til helsestyresmaktene om munnbind i kollektivtransport i Oslo og Indre Østfold fredag selde nettapoteket Farmasiet 40.000 munnbind i timen.
– Det er eit stort trykk på munnbind no, som vi forventa. I timen før pressekonferansen selde vi rundt 40.000 munnbind, og har lege på 40.000 i timen også etter pressekonferansen, seier dagleg leiar Hans Kristian Furuseth i Farmasiet til E24.
Det var Dagens Næringsliv som først omtalte saka.
Han spår opp mot 200.000 selde munnbind fredag.
Også kommunikasjonsdirektør Anne Margrethe Aldin Thune i Boots Apotek seier at etterspurnaden har vore stor. Apotek 1 har innført maksbegrensning på 100 munnbind per kunde. Det kan også bli aktuelt hos Boots.
(©NPK)
Apoteka har opplevd stor pågang etter at styresmaktene tilrådde bruk av munnbind i Oslo og Indre Østfold.
Foto: Håkon Mosvold Larsen / NTB scanpix