Neymars far og agent lo av Real Madrid-rykta
Neymars far og agent seier det er mykje større sjanse for at han forlenger avtalen med PSG enn at han hamnar i Real Madrid eller ein annan klubb.
Det sa Neymar da Silva Santos i eit intervju publisert på nettsida til UOL Esporte måndag.
Han sa at sjansen var stor for at den 27 år gamle sonen ville forlenge kontrakten ut over den noverande som går ut i 2022.
- Det er høgst usannsynleg at han går til ein annan klubb. Vi ser allereie mot ei forlenging av kontrakten. Han har berre bytt klubb to gonger, og vi har levd med konstante spekulasjonar i 10 år, sa faren.
Han lo bort alt snakk om Real Madrid.
Neymar vart den dyraste fotballspelaren i verda då han gjekk frå Barcelona til PSK i 2017.
For tida er Neymar under rehabilitering etter ein fotskade.
(©NPK)
Neymar under treningskampen mellom Brasil og Panama laurdag. Foto: Luis Vieira / AP / NTB scanpix.