Noreg har kjøpt koronalegemiddel
Helsedirektoratet har bestilt eit avgrensa tal dosar med legemiddelet REGN CoV-2, som kan gi seks til åtte vekers vern mot koronavirus, skriv VG.
Ifølgje avisa dreier det seg om REGN CoV-2 frå Regeneron.
Helsedirektoratet ønskjer ikkje å kommentere prisen eller talet på dosar som er bestilte.
– Vi har bestilt det talet på dosar fagmiljøa har tilrådd. Korleis desse legemidla blir brukte, blir fortløpande avgjort i fagmiljøa, seier beredskapsdirektør Steinar Olsen.
Det europeiske legemiddelvernet (EMA) valde fredag å nytte ei unntaksavgjerd for bruk av antistoff-medisinen frå Regeneron.
Tyskland har tidlegare kjøpt inn vaksinen til 2.000 euro – eller drygt 20.000 kroner – per dose.
USAs tidlegare president Donald Trump vart behandla med «antistoff-cocktailen» då han var innlagd på sjukehus etter å ha vorte koronasmitta i oktober.
(©NPK)