Noreg innleier ishockey-VM mot Russland
Noreg møter Russland i sin første kamp i ishockey-VM i Slovakia neste år. Kampen går i Bratislava 10. mai.
Petter Thoresens mannskap får dermed ein tøff start på meisterskapen, og allereie 11. mai er det Tsjekkia som står for tur.
To dagar seinare er Sverige motstandar, mens Sveits ventar 15. mai.
På Noregs nasjonaldag 17. mai er det kamp mot Austerrike, mens Italia står på menyen dagen etter.
Noreg avsluttar gruppespelet mot Latvia 21. mai.
Den andre gruppa spelar i Kosice og består av Finland, Canada, USA, Slovakia, Danmark, Frankrike, Tyskland og nykommarane Storbritannia.
(©NPK)
Noregs landslagssjef i ishockey Petter Thoresen og hans gutar får ein tøff start på ishockey-VM i Slovakia neste år. Foto: Tore Meek / NTB scanpix