Norwegian: MAX-flya har ikkje varsellampe i førarkabinen
Flyselskapet Norwegian seier at Boeing 737 MAX 8-flya ikkje har ei lampe i førarkabinen som varslar piloten om avvik i den såkalla angrepsvinkelen til flya.
Det skriv flyselskapet i ein e-post til nyheitsbyrået Reuters.
Varsellampa er meint å varsle om avvik i angrepsvinkelen til flya, altså vinkelen mellom planet til vengen og luftstraumen. Den såkalla angrepssensoren er meint å varsle piloten om nasen på flyet er for høg, noko som kan førar til at flya steglar.
Ein sviktande angrepssensor er antatt å bidratt til både Lion Air 737 Max-ulykka i Indonesia i oktober i fjor, og dessutan flystyrten i Etiopia 10. mars. I dei to ulykkene mista høvesvis 189 og 157 menneske livet.
- Vi har valt å ikkje utstyre våre Boeing 737 Max med dette ekstrautstyret. Det er ei avgjerd som andre flyselskap òg har tatt, sidan det er ikkje ein tryggingsfunksjon og heller ikkje eit krav frå Luftfartstilsynet, sjølv om enkelte har komme med falske påstandar om dette, skriv Norwegian til nyheitsbyrået Reuters.
(©NPK)
18 Norwegian-fly av typen Boeing 737 MAX 8 er sette på bakken etter at eit Ethiopian Airlines-fly av same modell styrta i Etiopia tidlegare denne månaden. Foto: Cornelius Poppe / NTB scanpix