Ny grunnstøyting ved Mauritius
Eit fiskefartøy med 130 tonn olje om bord har gått på grunn ved Mauritius.
Kapteinen på trålaren, som er registrert i Kina, sende ut nødsignal søndag. Fartøyet hadde då gått på grunn utanfor Pointe-aux-Sable, nordvest på den største øya i øystaten Mauritius.
Regjeringa i landet seier dykkarar har undersøkt skipet og ikkje funne teikn til lekkasjar. Arbeidet med å få olja ut av skipet blir venta å ta fleire dagar.
Eit japansk skip gjekk på grunn utanfor Mauritius i fjor sommar. Over tusen tonn olje lak etter kvart ut i sjøen, og utsleppet var den verste miljøkatastrofen i landet nokosinne.
(©NPK)