Ny hydrogenstrategi lagt fram
Hydrogen skal bidra til å få ned klimautsleppa i maritim sektor, tungtransport og industri.
Onsdag la olje- og energiminister Tina Bru (H) og klima- og miljøminister Sveinung Rotevatn (V) fram ein eigen hydrogenstrategi for Noreg.
Strategien, som er den første i sitt slag, vart lagt fram i forkant av Hydrogenkonferansen i Oslo.
– Dette er ein merkedag, sa styreleiar Steffen Møller-Holst i Norsk Hydrogen.
I strategien varslar regjeringa ei satsing på pilotprosjekt og demonstrasjonsprosjekt i Noreg for å bidra til å skalere opp hydrogenproduksjonen.
Håpet er at hydrogen skal bidra til utsleppskutt i maritim sektor, tungtransport og industri.
(©NPK)
Olje- og energiminister Tina Bru (H) saman med klima- og miljøminister Sveinung Rotevatn (V). Foto: Vidar Ruud / NTB scanpix