Ny milliongåve til dansk storklubb

Pengane er øyremerkte eit digitalt system som skal forbetre utbyttet av treningane til klubben, opplyser Brøndby i ei børsmelding.

– Med Inmotio-systemet kan vi nøye overvake belastninga kvar enkelt spelar har i trening. Vi kan sjå nøyaktig kor mykje dei spring og kor hardt dei blir belasta, seier sjefanalytikar Mounir Akhiat.

Brøndby har hatt systemet på prøve den siste tida.

Det er ikkje første gong at Jan Bech Andersen gir ei gåve til den danske storklubben. Tidlegare hjelpte han blant anna med pengane som skulle til for å hente Daniel Agger heim frå Liverpool. (©NPK)