Ny siger for Carlsen i Nederland

(NPK-NTB): Magnus Carlsen slo russaren Jevgenij Tomasjevskij i sjette runde i storturneringa i sjakk fredag.

Publisert: 22.01.2016 kl 16:42

Carlsen spelte med kvite brikker mot russaren, og den norske verdsmeisteren spelte utruleg kjapt og presist. Han brukte berre snaue 35 minutt på dei 30. trekka sine, medan tida til motstandaren nærmast hadde gått ut.

Dermed står Carlsen med 4,0 poeng i turneringa som blir avslutta 30. januar.