Ny vurdering av Flåmsbana måndag
Bane Nor skal måndag gjere ei ny vurdering av om Flåmsbana mellom Myrdal stasjon og Flåm i Aurland kan opnast for trafikk igjen.
Flåmsbana vart stengt laurdag ettermiddag på grunn av eit ras mellom Blomheller og Berekvam som reiv ned kontaktleidningen.
Pressevakt Olav Nordli i Bane Nor opplyser til NRK at dei har prioritert å opne Bergensbanen. Der køyrde eit tog med 115 passasjerar seg fast i eit skred som hadde gått ved Upsete stasjon mellom Mjølfjell og Myrdal seint laurdag kveld.
(©NPK)