Nytt smittetilfelle på sjukeheim i Oslo
Ein tilsett ved Cathinka Guldberg-senteret Lovisenberg i Oslo har fått påvist covid-19. To nærkontaktar er i karantene. 17 andre tilsette og ni bebuarar er testa.
Det opplyser direktør Vidar Haukeland ved Lovisenberg omsorg i Oslo til VG.
Dei 17 tilsette skal ikkje vere nærkontaktar og er ikkje sette i karantene. I tillegg har ni bebuarar vorte testa for viruset, ingen av dei har fått påvist smitte, opplyser Haukeland.
– Frå starten av koronapandemien har vi hatt 17 tilsette som har testa positivt på alle våre sju sjukeheimar, og vi har gjort 739 testar til no.
Cathinka Guldberg-senteret er éin av desse sju sjukeheimane.
(©NPK)