Økokrim vil sjå på Keshvari-saka
Økokrim er i dialog med administrasjonen på Stortinget om Mazyar Keshvaris (Frp) fiktive reiserekningar, melder VG.
Økokrim er i dialog med administrasjonen på Stortinget om Mazyar Keshvaris (Frp) fiktive reiserekningar, melder VG.
Seksjonsleiar Rune Skjold i Økokrim seier dei vil bli orienterte etter at Stortinget har gått gjennom noko av materialet knytt til saka.
- Då vil vi sjå om det er grunnlag for å begynne ei etterforsking på materialet dei no går gjennom. Det håpar dei å få klart i dag eller i morgon, seier Skjold til VG torsdag.
Keshvari har ifølgje Aftenposten levert udokumenterte reiserekningar for 290.000 kroner. Avisa kan dokumentere at han har vore i heimbyen Oslo samtidig som det er levert krav på 36.000 kroner.
(©NPK)